சணல் 4 வீடியோவும் கொலைவெறி நாய்களும் தமிழின நாய்களும்

இன்று பரவலாகப் பேசப்படுகின்ற எழுதப்படுகின்ற விடயம் சணல் 4 வீடியோ விடயமாகும். அந்த வீடியோவை என்னால் முழுமையாகப் பார்க்க முடியவில்லை.

எம் இனத்தை கதறக்கதற சித்திரைவதை செய்து வாய்விட்டுச் சொல்ல முடியாத வேலைகளைச் செய்கின்றனர். அந்த வீடியோவைப் பார்த்து எம் தமிழர்கள் கதறி அழுகின்ற விதத்தினை வைத்து கேலி செய்து ஒருவர் பதிவெழுதி இருந்தார். இவர் மனிதப்பிறவிதானா?

இங்கே வெளியிடப்பட்ட வீடியோ புலிகளுக்கு ஆதரவானதல்ல. ஒரு இனம் எப்படி சித்திரவதை செய்யப்பட்டு அழிக்கப்படுவதை காட்டுகின்ற ஆவணம். இது புலிகளுக்கு ஆதரவாக வெளியிடப்பட்டதல்ல.

இன்று தமிழர்களுக்கு ஆதரவாக எங்கு குரல் கொடுக்கப்பட்டாலும். ஏன் அதனை சிலர் புலிகளுக்கு ஆதரவானதாக மாற்றி திசைதிருப்ப நினைக்கின்றனர்.

புலிகளுக்கு எதிரானவர்கள் இருக்கலாம். அவர்கள் இந்த வீடியோவை பொய்யானவை என்று கூறுவதில் நியாயமில்லை. புலிகளுக்கு எதிரானவர்கள் தமிழர்களுக்கும் எதிரானவர்கள் என்று தங்களைக் காட்டிக்கொள்ள நினைக்கின்றனரா?

நம் இனம் கொடூரமாகக் கொலை செய்யப்பட்டிருக்கின்றது. கொலைகாரர்களுக்கு எதிராக குரல்கொடுக்கவேண்டிய கடமை ஒவ்வொரு தமிழனுக்கும் இருக்கிறது. அப்படி இல்லையேல் அவன் தமிழனாக இருக்க முடியாது.

புலிகளுக்கு எதிரானவர்கள் இருக்கலாம் மாற்றுக்கருத்துடையவர்கள் இருக்கலாம். நானும் பல விடயங்களில் மாற்றுக் கருத்துடையவன்தான். இங்கே புலிகளுக்கு ஆதரவு தெரிவிக்க வேண்டிய நேரமல்ல தமிழர்களை கதறக்கதற கொலை செய்த காட்டு மிராண்டிகளுக்கு எதிராக நியாயத்துக்காக போராடவேண்டிய நேரமிது.

இங்கே தாங்கள் புலிகளுக்கு எதிரானவர்கள் மாற்றுக்கருத்துடையவர்கள் மட்டக்களப்பான் யாழ்ப்பாணத்தான் என்ற பாகுபாடு வேண்டாம் தமிழனுக்காக குரல் கொடுப்பொம் அழிக்கப்பட்ட எம் இனத்தின் நீதிக்காகக் குரல்கொடுப்போம்.

வெறுமனே அரசியல் இலாபத்தக்காகவும் மாற்றுக் கருத்துடையவர்கள் புலிகளுக்கு எதிரானவர்கள் என்பதற்காகவும் தமிழினத்துக்கு எதிராக தமிழனாகப் பிறந்த எவரும் நிற்கவேண்டாம்.

இந்த வீடியோவிற்கு எதிர்ப்பு தெரிவிப்பவர்கள் ஒரு முறைக்கு பல முறை வீடியோவைப் பாருங்கள் அப்போதாவது உங்கள் கல் நெஞ்சு கரையட்டும். அப்படியும் கரையவில்லையேல் எம் இனத்தை கதறக்கதற சித்திரவதை செய்து உடல் வேட்டையாடும் அந்த நாய்களுக்கும் உங்களுக்கும் வித்தியாசமில்லை.

இந்த நிலை உங்கள் மனைவி பிள்ளைகள் அக்கா தங்கைகளக்கு ஏற்பட்டிருந்தால் எப்படி இருக்கும் என்பதனை சிந்தித்தப் பாருங்கள். இந்த நேரத்தில் எங்களுக்குள் இருக்கின்ற கசப்புணர்வுகளை மறந்து  இதற்காவது ஒன்று படுங்கள்.

இது புலிகளுக்கு ஆதரவாக எழுதப்பட்டதாக நினைக்க வேண்டாம். நம் தமிழினத்துக்காக எழுதப்பட்டது.

Post Comment