இலங்கையின் ஜனாதிபதி தேர்தலை கண்காணிக்க வேற்றுக்கிரகவாசிகள் வருகை

வேற்றுக்கிரக வாசிகள் தொடர்பில் இப்போது பல்வேறு பட்ட தகவல்கள், செய்திகள் வந்தவண்ணமிருக்கின்றன. ஆனாலும் இவைகளை நான் பெரிதாக அலட்டிக்

 கொள்வதில்லை.

நேற்று முன்தினம் இரவு எங்கள் கிராமத்திலே சிறிய மனிதர்கள் சிலரின் நடமாட்டத்தை சிலர் அவதானித்ததாக பரபரப்பாக பேசப்பட்டது. அப்போது எந்தவிதமான நம்பிக்கையும் இன்றியே சென்றபோது. சில விடயங்கள் என்னை சிந்திக்க  வைத்துவிட்டன.

சுமார் பத்துக்கும் அதிகமான சிறிய மனிதர்களை அவதானித்ததாக கண்டவர்கள் சொன்னார்கள். அங்கே இருந்த காலடித்தடங்கள் போன்றவற்றைப் பார்க்கும் போது என்னாலும் உணர்ந்து கொள்ள முடிந்தது.

ஆனாலும் இது வேற்றுக்கிரக வாசிகளின் காலடித்தடமா  அல்லது வேறு ஏதாவதா என்பதுதான் தெரியவில்லை. எல்லோரும் இதை வேற்றுக்கிரக வாசிகளின் காலடித்தடமாக இருக்கலாம் என்றே சொல்லிக்கொள்கின்றனர்.

அன்றிரவு முழுவதும் வேற்றுக்கிரக வாசிகளை தேடிக்கண்டு பிடிப்பதிலேயே பலர் ஈடுபட்டனர்.

இங்கே எனது முந்திய இடுகையிலே நான் இடுகையிட்ட படங்கள் நான் நேரடியாக சென்று வேற்றுக்கிரகவாசிகளின் காலடித்தடம் என்று நம்பப்படுகின்ற காலடித்தடங்களை புகைப்படம் எடுத்த உண்மைப் படமே.

இது ஒரு நகை சுவைப் பதிவல்ல. வேற்றுக்கிரகவாசிகள் பற்றிய செய்திகளை நம்பாத எனக்கு. இந்த சம்பவம் வேற்றுக்கிரகவாசிகள் பற்றிய தேடலை அதிகரித்திருக்கிறது.

அண்மைக்காலமாக இலங்கையிலே பல இடங்களில் இப்படியான சம்பவங்கள் இடம்பெற்றிருக்கின்றன. இலங்கையைப்  பற்றி வேற்றுக்கிரகவாசிகள் ஆய்வு செய்கின்றனரோ என்று ஏன் நண்பன் என்னிடம் கேட்டான்  . இல்லை ஜனாதிபதித் தேர்தலை கண்காணிக்க வந்திருக்கின்றார்கள் என்று நான் சொன்னேன்.

உண்மையாகவே வேற்றுக்கிரகவாசிகள் இருக்கின்றனரா? 

காலடித்தடங்களை வட்டமிட்டு காட்டப்பட்டிருக்கின்றன.

Post Comment