இலங்கை பதிவர்கள் சிலர் தலை மறைவு. தேடுகிறது பதிவுலகம்.

இலங்கையின் தமிழ் வலைப் பதிவர்களின் இரண்டாவது  சந்திப்பு நாளை இடம்பெற இருக்கின்றது. இதற்கான அனைத்து ஏற்பாடுகளும் அனைத்தும் சிறப்பாக செய்யப்பட்டிருப்பதாக ஏற்பாட்டுக்குழு தெரிவித்திருக்கின்றது. இந்த நிகழ்வுகள் உலகம் முழுவதும் நேரடி ஒளி, ஒலிபரப்பு செய்யப்பட இருக்கின்றது.

சந்திப்பு தொடர்பான விபரங்கள்.

நமக்காக நாம். மீண்டும் சந்திப்போம்.

இது ஒரு புறமிருக்க சில பதிவார்கள் தலை மறைவாகி இருப்பதாகவும். இவர்களைத் தேடி வலை விரிக்கப்பட்டிருப்பதாகவும். வலையை எலி வெட்டாமல் ஆதிரை காவல் காத்துக் கொண்டிருப்பதாகவும் அறிய முடிகின்றது. உடனடியாக இன்று தலை மறைவான பதிவர்களின் வாலையாவது பிடித்துத் தரும்படி சந்திப்பு ஏற்பாட்டு  குழுவிலே  இருக்கின்ற சுபாங்கன் அழுது புலம்பிக்கொண்டிருக்கின்றார்.

சுபாங்கன் அழுவதைக் கண்ணுற்ற கீர்த்தியுள்ள கவியரசி தலைமறைவான பதிவர்களை நினைத்து கண்ணீராலே கவிதை  வடித்துக் கொண்டிருக்கிறார். யாரெல்லாம் தலை மறைவு என்று அரசரிடம் கேட்டேன். அரசரோ மந்திரி மந்தியிடம் கேட்க சொன்னார் மந்தியோ மங்கைகளுடன் அரட்டையில். அவசரத்துக்கும் அசரமாட்டார்.

நகை சுவைப் பதிவர் புள்ளப்புடி பாண்டி அண்மைக் காலமாக பதிவர்களை தாக்கோ தாக்கு என்று போட்டுத்த் தாக்கி இருக்கிறார். இதனால் ஆத்திரமுற்ற பதிவர்கள் சந்திப்பிலே இவரது கொடும்பாவிக்கு பதிலாக புள்ளப்புடி கொடிய பாவியையே எரிப்பதற்கு வாந்தி திட்டமிட்டு இருக்கிறார். இதை அறிந்த கொழுப்பேறிக் கொளுத்த பதிவர் புள்ளப்புடி ஆண்டியிடம் சொல்லி இருக்கிறார் புள்ளப்புடி போண்டி தலை மறைவு.

இவர் மலேசியா சென்றிருக்கலாம் என்று நம்பப்படுகிறது. இருந்தாலும் இவர் நசிக்கும் கும்மி ராணி இவரை உருட்டி புரட்டி அடிப்பதற்கு கூட்டத்தோடு தேடிக்கொண்டிருப்பதால் மலேசியா சென்றிருக்க வாய்ப்பில்லை எங்காவது பற்றைகளுக்குள் பதுங்கி இருக்கலாம் என்று நம்பப் படுகிறது.

அடுத்து கூட்டத்தோடு சென்று கும்மியடிக்கும் கும்மித் தலைவன் கொளுத்த பதிவர் சில வலைப் பதிவுகளை கும்மியே நாசம் செய்ததனால்.  இவரது கும்மிக் குழுவால் பாத்திக்கப் பட்ட பதிவார்கள் இவரை சந்திப்பன்று 100  மீற்றர் ஓட விடவேண்டும் என்று திட்டம் தீட்டினர் இது அவர் காதுகளுக்கு எட்டிவிட்டது. உடனே தலை மறைவு.

இவரை பிடித்தால் எல்லோரையும் பிடித்துவிடலாம் என்று சுபாங்கன் நம்பிக்கை தெரிவித்துள்ளார். சிலர் இவரது பின்னாலேதான் ஒளிந்திருக்கலாம் என்று சுபாங்கன் நம்புகிறார். கொளுத்த பதிவருக்கு பின்னால் 5 பேர் நின்றாலே தெரிய மாட்டார்கள் என்றும் சொல்கிறார்.

விஜய்.. விஜய்.. என்று உயிரை விட்ட பதிவர் வேட்டைக்காரனுக்கு எதிர்ப்புக்கள் வர ஆரம்பித்ததும் தன்னை யாராவது இருட்டடி அடித்து விடுவார்களோ என்ற  பயத்தில் தொழிலுக்கும் செல்லாமல் வீட்டு மூலைக்குள் ஒளிந்திருப்பதாக எலியை துரத்தி சென்ற ஆதிரை சொல்கிறார்.

யோ.... என்று குரலெழுப்பும் பதிவர் நீண்ட நாட்களாக தலை மறைவாக இருக்கிறார் ஆனால் அடிக்கடி சில வலைப் பதிவுகளுக்கு வாலாட்டிவிட்டு போவதாக அறிய முடிகிறது. இப்போது அவர் டிவிட்டரில் சில மன்னிக்கவும் பல இளம் பெண்களோடு கும்மி அடிப்பதாக சுபாங்கனின் அன்புத் தோழி தெரிவித்தார்.

 என்ன நாளை நீங்களும் வருவதற்கு ஆயத்தம்தானே நான் இன்றே வருவதற்கு ஆயத்தமாகிவிட்டேன். வரமுடியாதவர்கள் ஒளிபரப்பில் பார்க்க மறந்திடாதிங்க.
http://livestream.com/srilankatamilbloggers

Post Comment